Թեստավորման գործընթացի մանրամասներ

Ի գիտություն քննության պատրաստվող բուժաշխատողների

Թեստավորման ընթացքում հարկավոր է պատասխանել

·         100 հարցի

·         90 րոպեի ընթացքում

·         80 միավորը անցողիկ շեմն է

Հիշեցնենք, որ թեստավորմանը մասնակցում են այն բուժաշխատողները, ովքեր

• կուտակել են հավաստագրման համար անհրաժեշտ կրեդիտների միայն 70 տոկոսը, բայց ունեն 3 տարվա աշխատանքային ստաժ
• կուտակել են անհրաժեշտ կրեդիտների 70 և ավելի տոկոսը, բայց աշխատանքային ստաժը 3 տարուց քիչ է

Թեստավորման արդյունքում անցողիկ միավորներ ստացողներին շնորհվում է հավաստագիր:

 

Թեստավորմանը մասնակցելու համար անհրաժեշտ է

• ID քարտ, այն չունենալու դեպքում անձնագիր կամ հանրային ծառայությունների համարանիշ (սոցիալական ապահովության քարտ), իսկ ՀՀ քաղաքացիություն չունեցողները՝ կացության թուղթ

• Դիպլոմ

• Թեստավորմանը մասնակցելու դիմում - հայտ, որն ընդհանուր է և ավագ, և միջին բուժաշխատողների համար

• Աշխատանք ունենալու դեպքում՝ տեղեկանք աշխատավայրից

• Կրեդիտավորված դասընթացների վկայականները, որոնք կփաստեն անհրաժեշտ կրեդիտների 70 տոկոսի առկայությունը

Փաստաթղթերն ընդունվում են և առձեռն, և առցանց:

Առձեռն տարբերակի դեպքում  հարկավոր է ներկայացնել ԱԱԻ (Կոմիտաս 49/4, 102 սենյակ):

Առցանց տարբերակով՝ testing@nih.am էլ. հասցեին: Այդ դեպքում հայտատուին ուղարկվում է պատասխան՝ հայտն ընդունելու մասին:

 

Բուժաշխատողների թեստավորմանը պատրաստվելու համար անհրաժեշտ գրականությունը հասանելի է ՀՀ ԱՆ ԱԱԻ-ի Հանրապետական գիտաբժշկական գրադարանում (Ռուբինյանց 29/3):
 +374 10 249677 ԱԱԻ-ի Հանրապետական գիտաբժշկական գրադարան
 +374 011300077  ԱԱԻ-ի Թեստավորման և հավաստագրման հարցերով